مقبول ربي قابله لو تقولون

استعرض الموضوع السابق استعرض الموضوع التالي اذهب الى الأسفل

default مقبول ربي قابله لو تقولون

مُساهمة من طرف موحد بين مشركين ومنافقين في الجمعة أكتوبر 30, 2009 6:18 am

................................(1)................................



لو ما احبك ما تجشمت الاخطار @ ولو ما احبك كان ما جيت عاني

يا شيخ شيخان الجزيره والاقطار @ يا عل تسلم من صروف الزماني

حنا نخيلك في السماء حر بيطار @ ترقى مراقي ما رقاها الهداني

يا شيخ هد الطير الطير ما طار @ خله يجوب الارض جعلك معاني

سلطان مثل النو لا هل الامطار @ يروي ضماء بلدان وناسٍ(ن) تعاني

لا يا صباح الخير يا ضارب الطار @ غرد مع القمري بزين المعاني

واهده لراعي الطيب ما يشوف الاخطار @ ويسلم لنا راسه غريب المجاني

له في الحشا منزل مطور له اطوار @ وفي القلب باني له حبيبي مباني

بلبس انا لأجلك كنادر وبسطار @ واصير جندي لك على ما تباني

يا شيخ حنا لك إخوان خطار @ في الدار عندك وتعرف اني أعاني

حنا عيالك وانت في وسط الانظار @ وعلى جنابك ضيف يا ابو السماني

ودي بمركز مع مخطط وإفطار @ لهلحين صايم الضيغمي ما دعاني

يا شيخ أبي خوتك ما اريد قنطار @ من جاي خويٍ(ن) لك ذبح كل شاني

إن زانت الدنيا بجي مثل عطار @ يعج منه العود والزعفراني

وصلاة ربي عد ما طايرٍ(ن) طار @ على محمد من شفع له معاني




................................(2)................................

مـقـبـول ربي قابله لو تـقــولون

هذاك سلطان الكرم كان تدرون



هـداج تيماء لأرتكى للعظايم

يشيلها سلطان بالعزم ومتون



الله يشافي راعي الطيب ربي

وممهل بعمره سنوات وسنون



ما نيب احب المـــــدح لكن أحبه

سلطان منزاله ترى داخل عيون



احبه الغــرير ما يعــرف الحب

طفل صغير يحبه شلون وشلون



شاله وقال الطفل سلطان احبك

وش علم الطفل المحبه تدرون



محـــبــــه مــن الله جــعـلهـا إلـهــي

لسلطان في قلوب المخاليق وشجون



ذا مختصر مدحي لأبو خالد القرم

احبه وقولوا الي انتم تــــــقــولون
avatar
موحد بين مشركين ومنافقين

المساهمات : 28
تاريخ التسجيل : 23/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى