حارسك ربي ما يحرسونك الناس

حارســــك ربي ما يحرسونك الناس

ملك كريم وذوق واخلاق واحساس

نفس من انـفـــاسك تطهر هالأنفاس

وتطهر أوطانٍ(ن) بها الحق ينداس

لا باس يا شــيخ الرجاجـيـل لا باس

لاباس يا راعي الطيب للحق مقباس

لو ان معك رجال وركبت الأفراس

صهيون ما تبقى ويــزول الأنجاس

يا شــيـخ علمني في خاطـري عماس

انا من اهل الحق وفي الحق انا راس

من خلبةٍ(ن) مذكوره وطيبة ســــاس

منا فسول أذناب ولا نعـــال بِــــلاّس

يا شـــيـخ لا تـتـبـع لشـيطان وخياس

كلابٍ تعـبـد إبليس ونعــــال تـنـداس

ما جيت ادور للثرى الوضع حساس

ونعــاني من ســارق حواليه حراس

ســـــرق محلي مرتـيـن والافــلاس

جاني من الحامي وهو سارق الناس

ولا عوض المسروق والبال منحاس

والناس تطــبــل لأبـو عــــود مياس

مــيــاس يا مــيــاس بعطـيك كراس

واكتب وصايا فيه بلا عــــد وقياس

وان طعت للناصح ورجعـت لعباس

مالٍ(ن) سرقته فانت تايب ياعساس

وان قلت لا مع ملكك اللولو والماس

وسـرقت فقيرٍ(ن) من الدين محتاس

فابشر بضياع الملك وتروح كركاس

وتلجى وتصبح عــبـــد الوقت نكاس

رح للـنـصارى ســــو كنـيـس قـــداس

لحضرة جنابك شارب الوسكي بالكاس

وقل لي اذا صحيت وقربت انا الفاس

لشخصٍ(ن) تبعه الناس للشر نبراس