من لا مست يمناي يمناك سلطان

من لامست يمناي يمـناك سـلطان

اعديتني بالجــود وعبود يــزعل

يقول ممـــول للارهــاب طقعان

قــل للعتيبي عــارفٍ ويش تفعل

ومعزبي زعلان من شان ذرقان

عبود راعي البخل يا وين مشعل

انا إذا عـنـز علي شخص تعـبان

افزع معه ماهوب ارهاب يا نعل

مني لأبـــو فيصل تحيه وعـــرفان

راعي الوفاء والجود وللطيب يفعل

ماهوب بخيلٍ يتدسس بجـــــدران

ولا يرسل عتيبي يتجسس ويسعل

يقول انا فـقــــــران بالحيل فقران

وهو عميل(ن) لك ثعل وابن ثعل

جتني ترى اخبار ومعي فيه برهان

مانيبٍ(ن) دجــــالٍ(ن) للزور افعل

ذا مختصر زعل ابو فيصل ان كان

اني اجيب العلم اعـــــــــرف وافعل

سلام يا خـــالد ولد طير حوران

يا موقدٍ(ن) نار الكرم دوم تشعل

هذاك سلطان الصخي ذاك سلطان

من جود يده نشرب ونروى ونّعِلْ

خل البخل واهله لا تشيل الاحزان

راعــــــي البخل يعلك ولك يعلعل

انا ادور عـــن ملك بــس انـســـان

ضاري بفعل الطيب وللجـود يفعل

يعطيني إلي يسرقه مني اثنان

نايف وعبدالله انا اليوم بـزعل

مشغل السودان تسرقني طقعان

نبي منه الفود وهو يسرق الثعل

والله فهـــد ما ســـــرقني كحيلان

جربته غيره وقلت مرحوم يا عل

يحاربني ولا شك عــــــــاقل وانسان

ماهوب خبلٍ(ن) يحرث الروث جَعَلّ

دجــــال لكنه معه عقل صنيان

لا كربت ال حبال يقول ويفعل

يقـــــول المثل ما تعرفني ألا إن كان

غيري تجرب وشفت يا راعي الشعّلْ